‎بەڕێوە چوونی كۆبوونەوەیەكی تەشكیلاتی بۆئەندامانی حیزب لە وڵاتی دانمارك

‎سەر لە بەیانی ڕۆژی یەك شەممە، ١ی ڕەزبەری ساڵی ٢٧١٩ی كوردی، كۆمیتەی بەڕێوەبەری گشتی حیزب لە وڵاتی دانمارك كۆبوونەوەیەكی تەشكیلاتی بە بەشداری ”دارا ناتق” جێگری دەزگای ڕێكخستنی گشتی حیزب بۆ ئەندامانی حیزب لەو وڵاتە دا بەڕێوە برد.‎.

سەرەتای كۆبوونەوەكە بەسروودی نەتەوایەتی ئەی ڕەقیب و ساتێك وەستان بۆ گیانی پاكی شەهیدانی كورد و كوردستان دەستی پێ كرد. پاشان لە لایەن هاوڕێ ”جەمشید خوسرەوی” بەرپرسی بەشی تەشكیلاتی وڵاتی دانمارك بە خێرهاتنی جێگری دەزگای ڕێكخستنی گشتی حیزب و ئامادەبووانی كۆبوونەوەكە كرا. ‎پاشان هاوڕێ ”دارا ناتق” باسێكی سەبارەت بە دۆخی قەیراناوی و نالەباری ئێستای ئێران لە گشت بوارەكاندا و هەروەها شی كردنەوەی ڕەوشی ڕۆژهەڵاتی كوردستان و خەباتی نوێی خۆرهەڵاتی كوردستان و ڕاسان و شی كردنەوەی ساختاری نوێی حیزب وبڕیار و پەسەندكراوەكانی كۆنگرەی شانزدەهەم و كار و چالاكیەكانی حیزب و دەزگای ڕێكخستنی گشتی حیزب بە تایبەتی لە دوای كۆنگرە دا كرد. ‎”ناتق” لە بەشێكی باسەكەیدا ئاماژەی بە “خه‌باتی نه‌ته‌وه‌یی و ئازادیخوازی گه‌لی كورد له‌ خۆرهه‌ڵاتی كوردستان كه‌ به‌ كۆدی ڕاسان و به‌ دروشمی لێك گرێدانی خه‌باتی شار و شاخ ده‌ستی پێ كردووه‌ كرد كەڕه‌نگدانه‌وه‌ی‌ ئیراده‌ی به‌رزی شۆڕشگێڕی و نه‌ته‌وه‌یی ئه‌ندام و لایه‌نگرانی حیزبی دێموكرات و خه‌ڵكی ئازادیخوازی كوردستانه‌ كه‌ توانی جارێكی دیكه‌ دۆزی ڕه‌وای نه‌ته‌وه‌كه‌مان له‌ ڕۆژهه‌ڵاتی كوردستان بخاته‌ ڕۆژه‌ڤی سیاسه‌تی نێونه‌ته‌وه‌یی و هه‌رێمی و كاریگه‌ری ئه‌رێنی له‌ گه‌شه‌كردن و سه‌رهه‌ڵدانی بزووتنه‌وه‌ی ئازادیخوازی له‌ ئێران به‌ گشتی وكوردستان به‌ تایبه‌تی‌ دابنێت. ناوبراو هه‌روه‌ها وتی: خۆرهه‌ڵاتی نوێ، له‌گه‌ڵ شاخ په‌یمان ده‌به‌ستێ و یارمه‌تی وه‌رده‌گرێ بۆ ڕاسانی نوێ. ئامانج ئه‌وه‌یه‌ كه‌ بۆ خۆی ببێته‌ ڕزگاریده‌ری خۆی و جگه‌ له‌ یارمه‌تی وه‌رگرتن له‌ شاخ (پێشمه‌رگه‌) كه‌ سه‌رمایه‌ و هێزی خۆیه‌تی، چاوه‌ڕێی یارمه‌تی هیچ لایه‌نێك نه‌كات. بۆ ئه‌وه‌ی‌ هه‌نگاو به‌ هه‌نگاو ببێ به‌ پلانداڕێژ و به‌ڕێوه‌به‌ر بۆ گه‌یشتن به‌ ئازادی. ناوبراو ئاماژه‌ی‌ به‌وه‌ كرد كه‌ له‌م خه‌باته‌ فره‌ڕه‌هه‌نده‌ی حیزب به‌ ناوی ڕاسان، ئاماده‌ بوون بۆ پێكهێنانی ئاڵوگۆڕ له‌ شێوه‌ی كار و هه‌ڵسووڕان و ده‌ستڕاگه‌یشتن به‌ گونجاوترین شێوه‌كانی خه‌بات كه‌ كه‌م تێچووترین و پڕده‌سكه‌وترین ئه‌نجامی به‌دواوه‌ بێت، گرێ دراوه‌ به‌ خێرایی گۆڕانی كۆمه‌ڵگه‌. به‌ له‌به‌رچاوگرتنی ئه‌و ڕاستییه‌ی كه‌ ڕاسانی خۆرهه‌ڵات ئه‌وه‌نده‌ی هه‌نگاوێكی بوێرانه‌یه‌، ده‌ستپێشخه‌رییه‌كی شۆڕشگێڕانه‌ و له‌ كاتی خۆیدا بوو و هه‌ر له‌و ئاسته‌شدا به‌رنامه‌یه‌كی قورس، پڕتێچوو و پڕئاسته‌نگه‌.
‎”ناتق” هەروەها باسێكی له‌ سه‌ر كار و چالاكییه‌كانی ماوه‌ی ڕابردووی ده‌زگای ڕێكخستنی گشتی حیزب كرد و ئاماژه‌ی‌ به‌ ڕۆڵی ئه‌ندامانی حیزب له‌ قۆناغی ئێستای خه‌باتدا كرد و وتی: هه‌روه‌ک ڕێبه‌ری گه‌وره‌ی كورد نه‌مر دوکتور قاسملوو فه‌رموویه‌تی، “ڕێكخراو چه‌كی هه‌ره‌ گرینگی ئێمه‌یه”‌. هه‌ر بۆیه‌ش ڕێكخستن و كه‌ڵكوه‌رگرتن له‌ هزر و وزه‌ی ئه‌و هێزه‌ ڕه‌مزی سه‌ركه‌وتنی حیزب و شۆڕشه‌. ڕۆڵی ئه‌ندامانی حیزب سه‌ره‌ڕای گشت ئاسته‌نگه‌كانی سه‌ر ڕێگای خه‌بات، له‌ پشتیوانی حیزب و هاوكاری و پاڵپشتی كردنی بزاڤی ڕاسان له‌ هه‌موو بواره‌كاندا به‌رچاو و شوێندانه‌ر بووه‌.‎ناتق”  ئاماژەی‌ به‌ دۆخی خراپی ئابووری وڵات و گران بوونی ڕۆژ به‌ ڕۆژ زیاتری شتوومه‌ك و پێویستییه‌كانی بژێوی بێكاری، گه‌نده‌ڵی، دابه‌زینی به‌رچاوی به‌های تمه‌نی ئێرانی، بێ هیوا بوونی خه‌ڵك به‌ ژیان و داهاتوویان، وتی: ئه‌وه‌ شێوازی ئیداره‌ كردنی وڵات و ده‌وڵه‌تداری نییه‌ و ڕێژیمی كۆماری ئیسلامی له‌ حاڵه‌تی ده‌وڵه‌تداری چووته‌ ده‌رێ و بووته‌ مافیا. سوپای پاسداران به‌ ته‌واوی كۆنترۆڵی بازاریانی به‌ ده‌سته‌وه‌ گرتووه‌ و ئه‌و بڕه‌ داهاته‌ی كه‌ له‌ سه‌ر حیسابی خه‌ڵكی هه‌ژار و بێ ده‌ره‌تان و به‌ تاڵان بردنی سه‌روه‌ت و سامانی وڵات ده‌ستیان ده‌كه‌وێت سه‌رفی ئامانجه‌ تیرۆریستییه‌كانیان له‌ ناوچه‌ و جیهان و سه‌ركووب كردنی خه‌ڵكی تینوی ئازادی له‌ ئێراندا ده‌كرێت. وه‌زعییه‌تی ئابووری ئێران زۆر شپرزه‌ بووه‌ و ڕێژیم به‌ ته‌واوی متمانه‌ی خۆی له‌ ده‌ست داوه‌ و له‌ گه‌ڵ قه‌یرانی مه‌شرووعییه‌ت به‌ره‌وڕوویه‌ و خه‌ڵكی وه‌زاڵه‌هاتوو و بێزار له‌ ڕێژیم له‌ هه‌ر ده‌رفه‌تێك بۆ ده‌ربڕینی ناره‌زایه‌تییه‌كانیان له‌ هه‌مبه‌ر ڕێژیم كه‌ڵك وه‌رده‌گرن. ڕێژیم هیچ پێگه‌یه‌كی جه‌ماوه‌ری ته‌نانه‌ت له‌ نێو ئه‌و شار و شوێنانه‌ی كه‌ مه‌كته‌بی په‌روه‌رده‌ی و جێی نفووزیانه‌ نه‌ماوه‌. سه‌ره‌تای ڕووخانی كۆماری ئیسلامی ده‌ستی پێ كردووه‌ و ئه‌وه‌ی‌ كه‌ ده‌یكات ئێستا به‌ زه‌بر و زه‌نگ و چاوترسێن كردنی خه‌ڵك ده‌یهه‌وێ درێژه‌ به‌ ده‌سه‌ڵاتی ملهوڕانه‌ی خۆی بدات. ‎ دواتر بەشداربوانی كۆبوونەوەكە ڕاو و سەرنجی خۆیان سەبارەت بە دۆخی ئێستای ئێران و خەباتی حیزبی دێموكرات و بڕیار و ڕاسپاردەكانی كۆنگرە وسیستەمی نوێ حیزب وكار و چالاكیەكانی حیزب لە قۆناغی ئێستای خەباتدا دا خستە بەر باس، و لە لایەن هاوڕێ ”دارا ناتق” ەوە وەڵامی ڕەخنە و پێشنیاری ئەندامانی حیزب درایەوە . ‎كۆبوونەوەكە پاش سێ ساعەت باس و گفتگۆی بەردەوام كۆتایی پێ ها

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *