لە كۆپێنھاگ دەوڵەتی تورك شەرمەزار كرا

لە پایتەختی دانمارك دەوڵەتی داگیركەری تورك شەرمەزار كرا.

رۆژی یەكشەممە رێكەوتی 13ی ئۆكتۆبر، بەشداری نێزیك بە ھەزار كەس لە كوردانی دەورووبەری كۆپێنھاگ، خۆپێشاندانێكی جەماوەری بە مەبەستی مەحكووم كردنی ھێرشی دەوڵەتی تورك بۆ سەر رۆژئاوایی كوردستان لە بەردەم پارڵەمانی دانمارك بەرێوە چوو.

لەو خۆپێشاندانەدا ھەژمارێك لە پارڵەمانتێر و سیاسەتمەدارانی دانمارك بەشدار بوون كە بەشێكیان بە پێشكەش كردنی پەیام پشتیوانیان لە داخوازەكانی گەلی كورد و ھێرشی دەوڵەتی توركیەیان بۆ سەر رۆژئاوای كوردستان مەحكووم كرد.

ئەو پارڵەمانتەر و سیاسەتڤانانەی كە پەیامیان پێشكەش كرد بریتی بوون لە :

حەلیمە  ئۆغۆز، لارس ئاسلان، سەردار بەنیل و چەند كەسێكی دیكە.

جێگای ئاماژەیە كە لە لایەن فێدراسیۆنی كۆمەڵە كوردستانیەكان و ناوەندی ھاوكاری حیزبە كوردستانیەكان پەیامێكی ھاوبەش بە زمانەكانی كوردی و دانماركی بڵاو كرایەوە .

ئەوەی كە جێگای سەرنج بوو گرینگی بابەتەكە بۆ خەڵكی ئاسایی دانمارك بوو .

كۆبوونەوەكە پاش یەك كاتژمێر و نیو كۆتایی پێھات.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *